[b]في إشارة المرور طلبت البنوتة من بابا عقد فل تحطه في إيديها أو في رقبتها
الدنيا زحمة و بابا متنرفز
بابا طلع من جيبه الفلوس و ادى البياع و اختار للبنوتة أحلى عقد فل
البنوتة كبرت كتيييييييييييييييييييييير
البنوتة معدتش صغيرة زي زمان
البنوتة كبرت راسها و صعب تدخل عقد الفل
على محطة الأتوبيس وجدت البنوتة بياع للفل
قالت بكام تديني العقد؟
رجعت ياااااااااااااااااااه كام سنة بالفل
شافت بابا في إشارة المرور و العربيات بتزمر و هوة بيطلع من محفظته عشان يديها الفل و ف لحظة
نسيت كل ده و افتكرت البياع على محطة الأتوبيس اللي كان بيناديها: يا مدام الفلوس يا مدام و الفل
خدت بسرعة عقد الفل وباقي الجنيه و طلعت تجري على الأتوبيس.